Image
නේක මංමාවත් දිගේ විත්,
රිදුම් දෙන‘මුත් දෙපා හකුලා 
කුමරියගේ ඇහිදියරය රිද්මෙන්,
බොහෝ දෑ මං හැදිනගත්තා.....
දිසාපාමොක් නොදත් පාඩම්,
ප්‍රේමයේ හරි රහට තිබුණා.. 
වනේ ගහකොළ දැකපු නැති කවි,
අනේ! ඒ ඇස්දෙකේ තිබුණා...
Image
ගෑණු කවදද වටේ නොගියේ,
දකින උන් මොනවදෝ කීවා
පුරුදු ගේ නැති පාළු ලැහැබක,
ඒකි බඩුවක්! කියලා කිව්වා....
ගෑණු රැවටෙන්නේ ම වචනෙට,
සුමට හිත් තව උන්ට මවලා,
මහබඹා උබ කරපු වරදට,
දඩුවමක් දෙන්නමයි ඕනා.......

එච්.ආර්.රුවනි නිරෝෂණී
පළමු වසර
සමාජයීය විද්‍යා පීඨය