Image
සතියකට දෙකකට
බෙදා ගත් ජීවිතය
කාමරයේ මතක ලෙස
සැගවිලා පවතීවි 
 
සිනාවක් විසි කෙරුණු
සවන් පෙති අද්දරක
මිමිණූව රහස් පෙම්
බස් මුවග ගොළු වේවි
 
කදුළු කැට දෑස් අග
තවරද්දි කම්මුලක
වෙදැගිල්ල මත සිරවූ
රන් මුදුව කැරකේවි 
 
අහස් කුස සිඹගෙනම
නුඹ යද්දි දුරු රටක
මට ආයෙ බෝඩිමට
පැමිණෙන්න සිදු වේවි 
 
නවෝදා දෙව්මිණි ප්‍රනාන්දු 
ප්‍රථම වසර 
අලෙවි කළමනාකරණ අංශය
වාණිජ හා කළමනාකරණ අධ්‍යන පීඨය