Image

පාන්දරින් දොර ඇරියේ

තාත්තාට ගෙදර එන්න

අම්මා දුරු රට වැඩියේ

මෙතර මාළිගා තනන්න

 

මල්ලී තනියට හිටියට

යාන්තමින් රෑ වෙන‌කොට

රෑ සමනල ගීත ඇහෙයි

දෙවැට දිගේ අපූරුවට

 

එතෙර කාසි හිනැහෙනකොට

අපේ ගෙදර ලාම්පුවට

තාත්තා ඇයි පියමැන්නේ

කණවැන්දුම් ගුහාවකට

 

අහස් යන්තරේ යනකොට

අහස උඩින් ගොරවාගෙන

පොඩි මල්ලී කෑගහනවා

බහින්න කියලා අම්මට

 

නැවුම් කළෙන් දිය නෑවේ

අම්මා ළග නැති දවසක

කනේරු මල් පූදිනවා

සින්න වෙන්න යන් වැට ළග                                                             

 

ජෙ.ආර්. ඉමේෂා සමරසිංහ

තෙවන වසර 

ජනසන්නිවේදන අධ්‍යයන අංශය

සමාජ විද්‍යාපීඨය

Image