Nemadala

පුන්සඳ පියුම් විල මත ඉඟි කරන රැය

රන්දම් යදම් බැද සිර කළ හැකිද ලය

දම්වැල් රිදුම් ලිහ පුද කළ නග්න කය

පින්සල් තුඩඟ රැදි පැහැයෙන් මවයි ඇය

තුරුලිය මඬුලු බිද හළ රඟ පිරුණු පය

රන් පැහැ නුමුසු සායම් ගෙන හැඩය නිය

චංචල රිද්ම ඉඟ සුඟ සළු රතිය බිය

රළුධර හස්ත පහසින් යළි සුමට විය

සිත්තම් කෙරුන රන් රැස් පුන් හසරු සිය

ගෙළවට බැස්ම මතු කරවිය අඳුරු දිය

විහිදෙන අග්නි සේ දෙතොළත රත්ව ගිය

සිත්තරු හුස්ම ගත් සිතුවම නමින් ලිය

නිම්නදි ජයවර්ධන

මානව ශාස්ත්‍ර පීඨය

පළමු වසර

Articles