Image
අපූරු ගෙත්තමක්
හැඩ වූ රටාවක්
වාර අනන්තයක්
ඇමුණූ කලාවක්
බැරි තැන ලිහුමක්
පැටලුනු මුලාවක්
 
යළි පට නූලක්
ගෙන තව ඇරඹුමක්
ගොතයි යොදා විරියක්
ලංව අවසානයක්
නොදැනිම නිමාවක්
නවතී එම ගෙතුමත්
 
දුටුවන් එහි හැඩයක්
කරයි ගුණ වරුණත්
ලස්සන සිතුවමක්
ලෙසින් එය පෙර දත්
දිස්වෙයි තව මොහොතක්
 
සිත්තම් තව රැසක්
ගෙත්තම් වන වෙලාවක්
තුළ වියැකුණු සිත්තමක්
පෑගුණි දහස්වරක්
නොදැනිම පයටත්
 
නිම් නොවූ ගෙත්තමක්
එයත්…
 මියැදුණු සිත්තමක්
 
උදාරා අතුකෝරල
විශේෂවේදී දෙවන වසර
ජනසන්නිවේදන අධ්‍යයන අංශය
සමාජීය විද්‍යා පීඨය