දෙරණ නාග කදුළින් පුද

අසිරි පෑව පතිනි බලේ

දරණ සීල තෙද අනුහස

වැඩ හිදිමින් අදුන් ගිරේ

භාර වෙමින් පතිනි නමට

සාර පඩුරු පුද කෙරුවේ

දාර සෙනෙහෙ ලැබ ගැනුමට

පාර කිමද දුර වූයේ

වරිග රැහේ දොස් අවමන්

දස මසටත් වැඩිය දරා

විදින නේත දුක් දොම්නස්

දෙව් නෙතටත් වහන් වෙලා

ගතේ රුහිරු කිරට හලා

සෙනෙහස කිරි කර පොවන්න

හදේ සෙනෙහෙ මව් වන්නට

සිව් දෙවියනි වරම් දෙන්න

ඉමේෂා සමරසිංහ

තෙවන වසර

ජනසන්නිවේදන අධ්‍යයන අංශය

සමාජ විද්‍යාපීඨය