පිණි කඳුළු සිසි දියර මත ලවන 

                                                          තවරන්න

ඉති අඟට රොබරොසියා නුඹ ඇවිත්                                

                                                     හිනහෙන්න

දින ගැනුණු වස්සානෙ සමනල්ලු 

                                                       ඉගිළෙන්න 

ඉකි ගසන නෙතු අඟින් සිඹ කඳුළු 

                                                        සඟවන්න

සිලි සිලිය තුරු වදුලෙ වැහි බිංඳු 

                                                        ඇහිදන්න

ගත වටට තල් අරණෙ මෘදු සුළඟ 

                                                      දැවටෙන්න 

අත් හැරුණු හැම සිහින වැලි පොළවේ      

                                                         අතුරන්න

තෙල් බැම්ම ළඟ හවස සඳ ඇවිත් 

                                                       තවතින්න

තනි නොතනි සිත් මඬල මොහොතකට   

                                                       සනසන්න

නුග රුකට ලියමඬුලු හනි හනික 

                                                    ගුළි වෙන්න 

හැම රැයක සරසවිය හුරු පෙමක

                                                      නහවන්න

සඳ කිරණ නුඹ ඇවිත් දැල් කවුළු 

                                                       සිපගන්න

නිම්නදි ජයවර්ධන 

පළමු වසර

මානව ශාස්ත්‍ර පීඨය