කෙල්ලෙක් හින්දා
- කවි
- Affichages : 4242

එපා යන්නට තුංමංහන්දි වල ගොම්මන් යාමේ
කන්නට එපා පුලුටු ජාති රස කර කර එළිපත්තේ
කරන්නට එපා තනිමංසලක සිට දියකෙළියේ
මං කෙල්ලෙක් හින්දා අවැසි මේ දේවල් නිරන්තරේ...
අපේ ආත්තම්මා පවසන මෙපවත් ගැන
මා සිහිකරයි නිතරම නින්දට යන්නටත් පෙර
නෑලු අවසර ගහකට නගින්නවත් කෙල්ලෙකුට
අනේ මන්දා!! ඇයි වෙනස්කම් මේතරම් කෙල්ලන්ට...
අවසර නැත පිටස්තරේ කොක් හඩලා සිනාසෙන්ට
යන්නට නැත කිසි ගමනක් යාළුවෙකු සමග කෙදිනක
මසකට වරක් දුන්නේ ඇයි වේදනාවන් අප හට
එවිටත් අවැසි නැත, පන්සලකට යන්නත් අපි කිළිය!!...
ඩබ්. පූර්ණා සෙව්මිණි
පළමු වසර
මානව ශාස්ත්ර පීඨය.

13 septembre 2022
නිහඬ නැගණිය

20 juin 2022
මගෙන් මටම

3 août 2022
නුඹ නොදත් ඈ

8 mai 2025
අප්පච්චි…

18 juillet 2022
අකල් වැස්සට තෙමුණු මලක්...

11 octobre 2022
සෙනෙහස...

9 janvier 2023
අකීකරු සිතිවිලි
