නූතන ජනමාධ්ය කියන්නෙම බොරුවකින් මුලා වෙලා තියෙන දෙයක්.
- ගවේෂණ
- Affichages : 1346
![Image](/nemadala/images/2023/01/09/g-l-3.jpg)
![Image](/nemadala/images/2023/01/09/g-l-2.jpg)
නූතනයේ ජනමාධ්ය මාධ්ය වාර්තාකරණයේ ස්වභාවය ඔබ දකින ආකාරය?
මම මාධ්ය ක්ෂේත්රයට එන්නේ සුසිල් ප්රේමජයන්ත ඉන්න කාලයේ. අධ්යාපන ඇමතිලාගේ දරුවෝ ලොකු ස්කෝල වලට යනවා අඩුම තරමේ පදිංචිය කියන සහතිකයවත් නැතුව අපේ රටේ මාධ්යවේදීන් කියන්නේ ඉතා පහළ ආර්ථික තත්ත්වයක් තියෙන පිරිසක්. ජනමාධ්ය භාවිතා කරමින් ගොඩක් අය ප්රතිලාභ ලබනවා නමුත් ලංකාවේ මේ විදියට ප්රතිලාභ ලබන්නේ වැරදිකරුවන්ගේ තොරතුරු හෙළි නොකර සඟවාගෙන සිටින අයයි.
ජනමාධ්ය ක්ෂේත්රය තුළ 4000-5000පමණ මාධ්යවේදීන් ඉන්නවා. මේ රටේ තියන ප්රශ්න, ගැටළු, දූෂණ, අක්රමිකතා, වැරදි එක ගානේ එලියට දැම්මා නම් මිනිස්සුන්ට මෙහෙම අරගල කරන්න ඕනේ නැහැ. නූතන ජනමාධ්ය කියන්නෙම බොරුවකින් මුලා වෙලා තියෙන දෙයක්.
උදාහරණයක් විදිහට (2010) ජනාධිපතිවරණය අවසන් වූ මොහොතේ දී විමල් වීරවංශ කිවුවා කියලා නිවුස් එකක් පළ වෙනවා සරත් ෆොන්සේකාට ඡන්දය නෑ එයා දිනුවත් ජනාධිපති වෙන්න බෑ කියලා. ඒ පුවත දිහා බැලුවොත් වගකීම් සහගත මාධ්ය ආයතනයකින් ඒ පළ කළ යුතු පුවතක් නොවේ. ඒ වෙලාවේ ඔවුන්ට කිරීමට තිබුනේ ඒ පින් පිළිබඳව මැතිවරණ කොමසාරිස්ගෙන් තොරතුරු ලබා ගැනීමයි. නැතිනම් ආණ්ඩුක්රම ව්යවස්ථාව පරීක්ෂාකොට බැලීමයි. මෙවැනි වගකීම් විරහිත ආකාරයට තමයි ලංකාවේ මාධ්ය වැඩ කරන්නේ. වැරදි තොරතුරු මාධ්ය මඟින් සමාජගත කළ විට විශාල ගැටලු ඇති වේ. ඒ වගේම වඳ සැත්කම්, වඳ බ්රා, වද කොත්තු වගේ දේවල් මාධ්ය මගින් තමා ජනතාව අතරට අරගෙන ගියේ. ඕනෑම ගැටළුවලුවකට ආගම ජාතිය සම්බන්ධ කළ විට ඒ ගැටලුව අවුළුවාලීමට මාධ්යයට හැකියාව තිබේ. නූතනයේ බොහෝමයක් ජනමාධ්යකරුවන් මෙන් ම ජනමාධ්ය ආයතනද කරන්නේ එවැනි පුවත් මැවීමයි.
![Image](/nemadala/images/2023/01/09/g-l-11.jpg)