නිහඬ නැගණිය
- කවි
- الزيارات: 2730

අතීතයේ මටත් සිටියා
සොඳුරු නැගණියක්.....
එකම මවුකුස නො ඉපදුනත්
අප දෙදෙනා
එකම මවකගේ දරුවන් ලෙසින් එදා
එක් වී ගෙවුවා කාලය
සහෝදරත්වයෙන්.....
මට ඔබ සොයුරියක් විය
මා ද ඔබට සොයුරියක් විය
ටික කලයි රැදුනේ ඒ සහෝදරත්වය
අප නොසිතු නොපැතු ලෙසින්
සහෝදරත්වයේ උත්තරීත්වය බිඳි ගියා
පසුගිය සමයේ අප කොතරම්
සතුටින් සොම්නසින් ගෙවුවත් කාලය
අද නෑ ඒ අව්යාජ සතුට
අයහපතක් නෑ කලේ ඔබට
යහපතක් මිස කිසිදා.....
ගෙවුනු කාලයේ සෑම විට
අක්කේ කියා මා අමතමින්
සතුටට මෙන් දුකටද නිබදව මා ළඟ සිටි
ඇය අද නිහඬය.....
නෑ කිසිදා මා හට ඔබ අමතක වන්නේ
ඔබේ මතකයන් සැමදා ඇත
මා සිත තුළ සොයුරිය.....
ඔබයි මගේ සොයුරිය සැමදා
ඔබ මා අමතක කළත් නැගණියේ.....
එච්.පී.එම්.එච්.උමේෂිකා ගයාශානි
පළමු වසර
ලලිත කලා අධ්යයන අංශය
මානව ශාස්ත්ර පීඨය

07 أيلول/سبتمبر 2022
ඇය!

06 حزيران/يونيو 2023
සිනාසෙනු දුටිමි ඔහු ඇය සමඟ ...

20 آذار/مارس 2023
වැද්දාගේ පාපොච්චාරණය...

03 آب/أغسطس 2023
අවසන් වසර

04 نيسان/أبريل 2022
ආදරය එහෙමයි…

04 تموز/يوليو 2022
මං කවියක්

15 تشرين2/نوفمبر 2022
මට කුමට ?
