ආදරණීය සරසවිය
- කවි
- Affichages : 3021

පිණි කඳුළු සිසි දියර මත ලවන
තවරන්න
ඉති අඟට රොබරොසියා නුඹ ඇවිත්
හිනහෙන්න
දින ගැනුණු වස්සානෙ සමනල්ලු
ඉගිළෙන්න
ඉකි ගසන නෙතු අඟින් සිඹ කඳුළු
සඟවන්න
සිලි සිලිය තුරු වදුලෙ වැහි බිංඳු
ඇහිදන්න
ගත වටට තල් අරණෙ මෘදු සුළඟ
දැවටෙන්න
අත් හැරුණු හැම සිහින වැලි පොළවේ
අතුරන්න
තෙල් බැම්ම ළඟ හවස සඳ ඇවිත්
තවතින්න
තනි නොතනි සිත් මඬල මොහොතකට
සනසන්න
නුග රුකට ලියමඬුලු හනි හනික
ගුළි වෙන්න
හැම රැයක සරසවිය හුරු පෙමක
නහවන්න
සඳ කිරණ නුඹ ඇවිත් දැල් කවුළු
සිපගන්න
නිම්නදි ජයවර්ධන
පළමු වසර
මානව ශාස්ත්ර පීඨය

21 février 2022
මං

8 mai 2025
නුහුරු පෙමක වස් කවි

13 novembre 2022
අරුමැසි ගම් පියස

11 octobre 2022
කළු සුදු චරිත...

10 octobre 2023
ආයෙමත් ආදරයෙන්

16 août 2022
කවකටුව සහ පැන්සල

13 novembre 2022
හන්තාන වැසි
