නිහඬ නැගණිය
- කවි
- Affichages : 2665

අතීතයේ මටත් සිටියා
සොඳුරු නැගණියක්.....
එකම මවුකුස නො ඉපදුනත්
අප දෙදෙනා
එකම මවකගේ දරුවන් ලෙසින් එදා
එක් වී ගෙවුවා කාලය
සහෝදරත්වයෙන්.....
මට ඔබ සොයුරියක් විය
මා ද ඔබට සොයුරියක් විය
ටික කලයි රැදුනේ ඒ සහෝදරත්වය
අප නොසිතු නොපැතු ලෙසින්
සහෝදරත්වයේ උත්තරීත්වය බිඳි ගියා
පසුගිය සමයේ අප කොතරම්
සතුටින් සොම්නසින් ගෙවුවත් කාලය
අද නෑ ඒ අව්යාජ සතුට
අයහපතක් නෑ කලේ ඔබට
යහපතක් මිස කිසිදා.....
ගෙවුනු කාලයේ සෑම විට
අක්කේ කියා මා අමතමින්
සතුටට මෙන් දුකටද නිබදව මා ළඟ සිටි
ඇය අද නිහඬය.....
නෑ කිසිදා මා හට ඔබ අමතක වන්නේ
ඔබේ මතකයන් සැමදා ඇත
මා සිත තුළ සොයුරිය.....
ඔබයි මගේ සොයුරිය සැමදා
ඔබ මා අමතක කළත් නැගණියේ.....
එච්.පී.එම්.එච්.උමේෂිකා ගයාශානි
පළමු වසර
ලලිත කලා අධ්යයන අංශය
මානව ශාස්ත්ර පීඨය

25 octobre 2022
ඇටසැකිල්ල

25 octobre 2022
මගේ දිනපොත

10 octobre 2023
ප්රේමය, මා නුඹට අමතමි !

1 février 2023
නුඹට පුළුවන්ද මගදි හැරෙන්න!

15 novembre 2022
මට කුමට ?

18 avril 2023
පියෙකුගේ අවසන් කැමැත්ත

28 décembre 2022
ආදරණීය සිත්තම
