ලියමනක්!
- කවි
- Hits: 1324
රෙජිස්ටර් තැපෑලෙන්
එතැයි මා උදම් වුණු,
ලියමනක් එවා ඇත
මුද්දරෙත් ගාන අඩු....
කුහුල සන්සිදෙන තුරු
කඩ කඩා බැලු නමුදු,
තෙත් වෙච්ච සීතලක්
අතට දැනුනා ය මුදු.....
එකදු වචනයක් වත් ලියා නැති කඩදහිය,
අන්ඩ දා මසාගත් කමිසයේ ඇත තවම....
හැටවයස් පිරුණු වියපත් මහල්ලෙක් අදට,
මම මටම හිනාවෙමි මතක කාටද මාව......
නුඹ එක්ක බීමතින් දොඩමලු ය මම රෑට,
දකින උන් හිනාවුණි පිස්සෙක්! ය අර අතන.....
රැගෙන කමිසයෙන් අවසන් වරට ආ ලියුම,
යලි වරක් සිපගනිමි! තවම තෙත කඩදහිය......
රුවනි නිරෝෂණි
පළමු වසර
කැලණිය විශ්වවිද්යාලය