සිනාසෙනු දුටිමි ඔහු ඇය සමඟ ...
- කවි
- Hits: 3121

වපුළ හැකි නම් වෛර බිජුවට ...
ස්නේහ මල් පීදුණු හද අරණ ,
පුදන සොමියුරු සිනහවක් ගානේ ඇයට ...
වෙනුවට දඟකාර හසරැලි ,
නොසැලකිල්ලෙන් මෙ’මට විසිකළ ...
යවුල් ඇතිතාක් මෙ’දියත
විෂ පොවා ඊර්ෂ්යාවෙන් ගිනියම්ව ,
එකින් එක ගෙන පසාරු කල දු
නුඹ අඳුරු වත සම චපල හදවත !
වගුරනු රිසින් රුහිර ධාරා ,
මා හෙලූ උණු කඳුළු ගණනට ...
රහිමින් සිවියෙන් සිවිය ,
පිරික්සමින් තිබුණිද ආදරයක්
කවදාක කොහේ හෝ සැඟවී ,
සම කළ නොහැක එක් බිඳක්වත්
නුඹ මා ළයට දුන් එක් සෝ සුසුමකට .....
අන් පෙම්වතුන් මෙන්
පරිත්යාගශීලී නොවේ මම ... !
එනමුත් වෑයම් කරන්නෙමි හැමදාම
උගුලා දමන්නට ...
පීදුණු ප්රේම අංකුර
වැනසුණ ද හද උයන ඒ සමඟ.
නොදිය හැකි මුත් සුභ පැතුම් මල් මිට ,
කෙසේ දෙන්නෙම් නුඹට විෂ දළ ?
කාලයෙන් දේශයෙන් ,
වර්ණයෙන් කුලයෙන් ,
සැතපුම් යොදුන් ගණනින් ,
ඈත් කොට අප දෙදෙන
කටු කොහොල් මං තනා ,
අහස් උස පවුරු බැඳි ,
පසමිතුරු “ දෛවය ”
විත්තිකරු වනවිට ?
සඳවි ජිත්මිණී රත්නායක.
ප්රථම වසර.
ඉංග්රීසි භාෂා අධ්යයන අංශය
මානව ශාස්ත්ර පීඨය.

10 August 2022
සුදු අරලිය සොහොන

18 April 2023
කවිය

16 August 2022
ලියමනක්!

30 August 2022
අතීතයේ මතක

06 October 2022
IT IS A FEELING THAT EVERYONE WANT

27 July 2022
දෑස දැල්වේ කඳුළින්ම බොඳවී

13 November 2022
වෙමි නුඹේ වැරදිකරු..
