ප්රේමය, මා නුඹට අමතමි !
- කවි
- Hits: 7466

පැතුවෙ පිවිතුරු ප්රේමයක්
සිත සනසවන ඖෂධයක්
ළෙන්ගතු හද මඩලක්
ඒත් , නුඹ මට තිළිණ කළේ
අසීමාන්තික වේදනාවක් .......
මැව්වෙ සෙනෙහස පිරුණු සිතක්
රැවුම්, ගෙරවුම් නොමැති හදවතක්
ජීවිතයට මාහැඟි ආශිර්වාදයක්
ඒත් , අන්තිමට මට හිමි වුණේ
කලකිරුණු , දුක්මුසු මතකයක් ........
සෙව්වෙ ළෙන්ගතු පෙම්වතෙක්
සැපේදිත්, දුකේදිත් අත් නොහරින පෙමක්
දිවි ගමනට හයියක් වෙන හිතක්
ඒත් , අන්තිමට මට ඉතුරු කළේ
අසීමාන්තික සිත් රිදුමක් ..........
මග බැලුවෙ ලබා ගැනුමට හිත හදන ප්රේමයකට උරුමයක්
සිත භාවනාවක් සේ සනසන පුරුෂයෙක්
ජීවිතේ බෙදා ගන්නට හැකි කරුණාබර උරහිසක්
ඒත් , නුඹ මට ලබා දුන්නේ
දුකම කැටි වෙච්ච පාළු , තනිකඩ හැගීමක් ..........
ප්රේමය , ඉතින් මා නුඹ ගැන කලකිරුණෙමි
ඒකපාර්ශ්වික මගේ ප්රේමය සදාකල් මා හදේ රැව් දේවි
සිතුවමක් සේ නුඹව යළි යළි මතකයට නැගේවි
ඉතින්, තවත් නුඹ සමග කතා නොකරමි
ඒ මන්ද යත් ,
සදාකල් නුඹ මට දුක් වේදනාවක් ම උරුම කළ බැවිනි ...........
ලෂිනි අමාෂා චන්ද්රසිරි
පළමු වසර
සමාජීය විද්යා පීඨය
කැලණිය විශ්ව විද්යාලය

10 October 2023
ආයෙමත් ආදරයෙන්

21 February 2022
වැලන්ටයින් එන්න කලින්

07 September 2022
සීගිරි ළදුන්..

16 August 2022
කවකටුව සහ පැන්සල

08 May 2025
නුහුරු පෙමක වස් කවි

30 August 2022
පුතුට ඔවදනක්........

30 August 2022
අතීතයේ මතක
