සරසවි ප්රේමය
- කවි
- Hits: 2636

සරසවියේ අවසන් වසරයි පසුවන්නේ
ඔබ හා මා ගතකළ සමයයි සිහිවන්නේ
කැලණි නදිය සෙමෙන් සෙමෙන් ගලා බසින්නේ
මෙහි අප විඳි සොඳුරු මතක මැවී පෙනෙන්නේ
දුර ඈතක සිට ආ ඔබ මට හමුවූ දා
දැනුණා මසිතට හැඟුමන් නොදැනුණු පෙර දා
තව කෙටි කලකින් අප දෙදෙනා වෙන්වන දා
කෙලෙසක නම් යන්නද මා ඔබ අතහැර දා
සරසවියේ අවසන් වසරයි පසුවන්නේ...
හිරු බැස යන සැඳෑ කලක ගං ඉවුරේ දී
සරසවි මාවත අද්දර තල් සෙවනේ දී
අප මැවු ඒ සිහින සපිරි අපේ ලොවේ දී
සිහිනෙන් හෝ යළි හමුවෙමු මතු දිනයේ දී
සරසවියේ අවසන් වසරයි පසුවන්නේ...
එච්. දේශාන් විජයන්ත
වාග්විද්යා අධ්යනාංශය
කැලණිය විශ්වවිද්යාලය

18 July 2022
අකල් වැස්සට තෙමුණු මලක්...

07 September 2022
මුරුගසන් වැස්ස

28 December 2022
ආදරණීය සිත්තම

06 June 2023
කෙල්ලෙක් හින්දා

06 June 2023
ලිය

01 February 2023
සතියකින් ආපස්සට

18 July 2022
Horror Awakening
