මැරෙන්නට මොහොතකට පෙර : කියම් ද නොකියම් ද ?
- කවි
- Hits: 5339
මා පමණක් දන්නා ඒ අවිහිංසක ආදරය
මියැදුනාවේ මාත් සමඟම .... !
මක් නිසාද යත් ,
දන්නේ නම් නුඹ
මා හද ස්නේහයේ තරම
මා පාළු සොහොන් කොත මත
වැවෙන සුවඳැති මල් පවා
උදුරා දමනු ඇත නුඹ රුදුරු හදවත !
උගුලා දමා මුලෙන්ම ,
පාගා සිනිඳු මල්පෙති ,
ගිනිතබා මුඩුකොට ඒ බිම ,
වත්කරනු ඇත කොන්ක්රීට් නුඹ
හිත්පිත් නැතිවම !
වළලා දමනු රිසියෙන්
සදහටම ....
මගේ මතකය.
“දැන්වත් කියපන් !
මොකක්ද උඹට මගෙන් වුණු වැරැද්ද ? ”
ඉදින් හිතවත ,
මා පමණක් දන්නා ඒ ආදර කතාව
නුඹට නොකියා ,
වළදාලමි මා සමඟම ....
ඔව් , මටත් අවැසිය නොපෙනි යාමට.
නමුත් දඬුවමක් ලෙස නොවේ නුඹ දෙන.
මන්දයත් ,
වරදක් නොකළෙමි කිසිදාක නුඹට මම !
රිදවන්න රිදවන්න ආදරය කළා මිස.
සඳවි ජිත්මිණී රත්නායක
ප්රථම වසර
ඉංග්රීසි භාෂා අධ්යයන අංශය
මානව ශාස්ත්ර පීඨය
10 August 2022
හුස්ම!
16 August 2022
කාලය
18 April 2023
Create
07 September 2022
ඇය!
18 July 2022
Who am I ?
25 October 2022
නොලැබු හසරැල්
23 September 2022
සිනා රුව
