සිනහව මුව පුරා සනහා හමුවෙන හැම විටදී

කඳුළු පරිස්සම් කර සඟවා හිත හැඬු විටදී 

දිවියේ නොයෙක් දුක් ගැහැටම විඳ 

සවියේ බලය විය යුතු තැන් ඇත නිබඳ

කවියේ පද වැලක පැටලී සෙනෙහ බඳ

දිරියේ අරුත වෙයි ගැහැණිය යදම් බිඳ

හීන වලට පාර කියන මග අහුරා යන ගමනේ 

පේන ඈත තරමටවත් යාගන්නට බැරි වූවානේ 

⁣ගේන හිතේ හයිය මගේ කඳුළු කතා ලීවානේ 

පාන සිනා තරමට මම හැඬුවේ ඉකි බිඳලානේ 

වැලපීලා හැඬුවත් මා සිත පසු දිනයේ පිරි සිනහවකින් 

තෙරපීලා දුක් ගිනි වැල් ගත දැවටී ඇති සේ පමාවකින් 

වැනසීලා කී විටකදි  දුර්වල  හිත ගිනිගොඩකින් 

සැනසීලා ඉන්නට විය සැඟවූ දුක් මතකයකින්.......

රවීනා අනුපමා

ජනසන්නිවේදන අධ්‍යයන අංශය

සමාජයීය විද්‍යාපීඨය