නේමඬල “Young Journalist” අපි
- කවි
- Hits: 2628

ජනමාධ්ය නම් අප සතු වත්කමකි
රට ගොඩනැගුමකට අවැසිම මාවතකි
සත්යයේ සටහනට නිවැරදි බව ඇත්තකි
යුක්තිය එවිට ලැබ දෙයි එය තොරතුරකි
අවිනිශ්චිතව විය හැකි සිදුවීමක්
සංක්ෂිප්තව එය සටහන් කර ගැනුමක්
නිර්පක්ෂිකව පැවසිය යුතු බව ඇත්තක්
සංරක්ෂිතව පැවතෙයි නිවැරදි පුවතක්
දැලි පිහියෙන් කිරි කනවා සෙයක් වගේ
වලි පිට වලි වෙයි පොර අල්ලන ගෙයක් වගේ
ජනමාධ්ය නම් ඒ දැලි පිහිය වගේ
ඇනුමක් විටෙක ඇතිවෙයි මාධ්යකරුගේ ඇගේ
ඕනම දෙයක යහමින් ඇත හොඳ නොහොඳ
වාරණ දැම්මෙ රැකගැනුමට යළිි යළි නිබඳ
තාඩන පීඩනය ඇත ජනමාධ්යයේ සබඳ
කාරණා කිව්ව පමණින් පුවතක් වේද
නිදහස් සැමරුමේ දළඳා පෙරහැරේ
රූ පෙළ පෙනේ නානාවිධ විස්තරේ
දැක්කේ තිබුණු හින්දා කැමරා සාත්තරේ
ටවුමේ තිබුණා පහුදා රූ පෙළ හැම පත්තරේ
කැලණි මව් තුමිය බැබලේ මනකල
සැදුණි සිසු කැලක් සිප් සයුරේ විපුල
බැඳුණි හිත්පෙළක් ඒ දවසේ නිමල
නිතිනි රැකේවා රඟහල අපේ නේමඬල
රවීනා අනුපමා
පළමු වසර
සමාජයීය විද්යා පීඨය

10 October 2023
සිතින් යන අය අතින් අල්ලා නවත්වන්නට බෑ..

01 February 2023
නුඹට පුළුවන්ද මගදි හැරෙන්න!

16 August 2022
හරි පුදුමයි...හරි පුදුමයි...

07 September 2022
මගේ පැල්පත

03 August 2023
සරසවි ආදරය

16 August 2022
ඔබයි මගේ කුස...

03 August 2022
අමදිනි
