මැරෙන්නට මොහොතකට පෙර : කියම් ද නොකියම් ද ?
- කවි
- Hits: 4746

මා පමණක් දන්නා ඒ අවිහිංසක ආදරය
මියැදුනාවේ මාත් සමඟම .... !
මක් නිසාද යත් ,
දන්නේ නම් නුඹ
මා හද ස්නේහයේ තරම
මා පාළු සොහොන් කොත මත
වැවෙන සුවඳැති මල් පවා
උදුරා දමනු ඇත නුඹ රුදුරු හදවත !
උගුලා දමා මුලෙන්ම ,
පාගා සිනිඳු මල්පෙති ,
ගිනිතබා මුඩුකොට ඒ බිම ,
වත්කරනු ඇත කොන්ක්රීට් නුඹ
හිත්පිත් නැතිවම !
වළලා දමනු රිසියෙන්
සදහටම ....
මගේ මතකය.
“දැන්වත් කියපන් !
මොකක්ද උඹට මගෙන් වුණු වැරැද්ද ? ”
ඉදින් හිතවත ,
මා පමණක් දන්නා ඒ ආදර කතාව
නුඹට නොකියා ,
වළදාලමි මා සමඟම ....
ඔව් , මටත් අවැසිය නොපෙනි යාමට.
නමුත් දඬුවමක් ලෙස නොවේ නුඹ දෙන.
මන්දයත් ,
වරදක් නොකළෙමි කිසිදාක නුඹට මම !
රිදවන්න රිදවන්න ආදරය කළා මිස.
සඳවි ජිත්මිණී රත්නායක
ප්රථම වසර
ඉංග්රීසි භාෂා අධ්යයන අංශය
මානව ශාස්ත්ර පීඨය

10 August 2022
I really wonder…

13 November 2022
හන්තාන වැසි

06 June 2023
සිනාසෙනු දුටිමි ඔහු ඇය සමඟ ...

13 November 2022
අරුමැසි ගම් පියස

11 October 2022
ආදරණීය සරසවිය

13 September 2022
කාලෙකට පස්සේ අද …

03 August 2023
මරණය
