කෙල්ලෙක් හින්දා
- කවි
- Hits: 3848

එපා යන්නට තුංමංහන්දි වල ගොම්මන් යාමේ
කන්නට එපා පුලුටු ජාති රස කර කර එළිපත්තේ
කරන්නට එපා තනිමංසලක සිට දියකෙළියේ
මං කෙල්ලෙක් හින්දා අවැසි මේ දේවල් නිරන්තරේ...
අපේ ආත්තම්මා පවසන මෙපවත් ගැන
මා සිහිකරයි නිතරම නින්දට යන්නටත් පෙර
නෑලු අවසර ගහකට නගින්නවත් කෙල්ලෙකුට
අනේ මන්දා!! ඇයි වෙනස්කම් මේතරම් කෙල්ලන්ට...
අවසර නැත පිටස්තරේ කොක් හඩලා සිනාසෙන්ට
යන්නට නැත කිසි ගමනක් යාළුවෙකු සමග කෙදිනක
මසකට වරක් දුන්නේ ඇයි වේදනාවන් අප හට
එවිටත් අවැසි නැත, පන්සලකට යන්නත් අපි කිළිය!!...
ඩබ්. පූර්ණා සෙව්මිණි
පළමු වසර
මානව ශාස්ත්ර පීඨය.

25 October 2022
ගසක මහිම

08 May 2025
නුහුරු පෙමක වස් කවි

03 August 2022
අමදිනි

07 September 2022
ඇය!

18 July 2022
මාණික්කාවතෙන් අරගලයට

13 November 2022
වෙමි නුඹේ වැරදිකරු..

11 October 2022
දිවිය
