නින්ද සහ සිතුවිලි...
- කවි
- Hits: 3470

නොනිදන රැයක රන්තරු කැට පිබිදීලා
දොම්නස සඟව නෙත්වල කැන් අඩුවීලා
ගොම්මන අඳුර පුන්සද විත් සැඟවීලා
මොක්සුව මවන හැඟුමක සිත් සැනසීලා
වැට අග කුන්ද මල්පෙති රැය පිබිදීලා
දසදෙස සුවද වත්සුණු ලෙස තවරාලා
නිසසල බිඳින හැඩුමක වන කැළඹීලා
දෙසවන මැදට උලමෙකු නද පැතිරීලා
හිනැහෙන ළපටි කඩුපුල් මල් ඇඹරීලා
දැකුමට එළිය සුදුසද වෙත ළංවීලා
අඳුරක පැහැය බියකරු බව පිටුපාලා
රැයකට අහස අසිරිය සිත සැනසීලා
සිත්මල් පුබුද හැඟුමන් යළි සිහිවීලා
මන්මත් විලෙස සිතුවිලි එකිනෙක පාලා
සක්මන් කෙරුව මතකින් නෙත නැවතීලා
සුසුමක් රැගෙන නෙතුපිළි යයි පියවීලා
නිම්නදි ජයවර්ධන
පළමු වසර
මානව ශාස්ත්ර පීඨය

08 May 2025
ප්රේමයේ මුළාව

20 June 2022
මගෙන් මටම

18 April 2023
Create

23 September 2022
සිනා රුව

07 September 2022
ප්රේමයේ අසුන්දර නුඹට මා ඇසෙනවද?

03 August 2022
සුළඟ හා මුසුවෙමි

18 April 2023
පියෙකුගේ අවසන් කැමැත්ත
