ගැඹුරු හුස්මක්
- කවි
- Hits: 3081

අඩක් ඉදිකළ ප්රේමයේ නගරය
සුනු විසිනු වී ගිය මල් ලියකම් මැද
සිනහා ගිනි ඇවිලෙයි
යහන තෙමෙන කඳුළු ගඟ මැද...
සුදු පාට කඩදාසියක
නේක වරනින් සිත්තම් කළ ද සිතුවම
නොහැගුනේ මන්දැයි
මගේ නොවන බව
සිතත් එක්ක අරගලය...
අසවලා දකීවිද
උනෝතින් ලැජ්ජ සනුහරේටම
නොයෙක් යදමින් බැඳී ගෙල මුල
හුස්ම ගන්නත් අරගලයක..
කවි කමින් බැඳි කවි කලත්
පෙම් දමින් බැදි පොත්වලත්
නොවිසඳුන එක් ඡේදයක්
හරි මැදට වන්නට අරගලයක
උපනොත් ජීවයක්
ජීවයේ ජීවත්වීමට
ජීවිතය අරගලයක
ඒක මහ ගැඹුරු හුස්මක්...
හේමමාලී වඩුගේ
විශේෂවේදී තෙවන වසර
වාග්විද්යා අධ්යනාංශය.
15 November 2022
රතු වුණු දෑස්

25 October 2022
මගේ දිනපොත

27 July 2022
අත්හරිනු ද?

16 August 2022
පැන්සල

17 January 2022
පිරිමැදුම්

15 November 2022
තූරු

06 June 2023
කලු හමට මම
